BASES DO II CONCURSO DE PRESENTACIÓN FLORAL CON CAMELIAS. VALGA 2010.

1º.- Este concurso ten por obxecto animar ós expositores locais a participar na exposición e aumentar a afección á camelia, o seu cultivo, divulgación e en xeral o amor polas plantas e o respecto polo medio ambiente.

2º.- Co fin de estimular e premiar a participación local, só poderán participar as asociacións, veciños ou residentes habituais en Valga e outros concellos. Non se permite o concurso de profesionais do ramo.

3º.- Outorgarase un 1º, 2º e 3º premio á presentación, que baseándose na flor da camelia e utilizando ou non outras plantas, obxectos ou materiais decorativos, resulten do agrado do xurado. Valorarase a mellor conservación das flores, que non estean murchas, enfermas ou rotas, que a composición das flores cos outros obxectos da presentación resulte harmónica, bonita, elegante, artística.

4º.-Poderán utilizarse todo tipo de especies ou variedades de camelia.

5º.-Os premios, este ano consisten nunha planta de camelia en maceta, das variedades da Colección da Deputación de Pontevedra, para cada un dos/as tres premiados/as.

6º-O xurado estará formado por un representante do concello, dous representantes da Asociación de Mulleres Rurais “Albor” de Valga, por un representante da Sociedade Española da Camelia e por un socio de dita sociedade.

7º.-Os participantes deberán realizar a súa inscrición indicando o seu desexo de participar neste concurso ademais de facelo na Exposición.

8º.- Os concursantes, polo feito de solicitar a súa inscrición, deberán coñecer e aceptar estas bases e someterse á decisión do xurado.

A asociación de MMRR “Albor” de Valga en colaboración co concello de Valga están a organizar a IV Exposición da Camelia que se vai levar a cabo os días 20 e 21 de febreiro.

A asociación invita a tódalas persoas de Valga e doutros concellos, que dispoñan de camelias nas súas hortas a que participen nesta exposición.

Inscricións: Auditorio Municipal

Telf. 986 55 67 69

O 7 de marzo en Valga.

O 12 de marzo actuamos en Betanzos.

O 28 de marzo en Meaño.