Carmen Comparada y Juan José Castaño. Os reis da tortilla de patacas. 

 A exquisitez coa que Carme Comparada elabora este prato é unha das causas que cada día fai que a xente se acerque ao bar Comparada, en Valga No ano 1926, Andrés Comparada volvía de Bos Aires, onde estivo emigrado, e abría un bar, o Comparada. Ao principio era moi modesto e pequeno, pero co tempo logrou ir ampliando, e incluso o converteu nun salón de baile, no que se celebraban festas por datas sinladadas coma o antroido ou San Xosé. «Estas festas, que enchían o salón de xente e bo ambiente, pouco gustaban aos curas da época», sinala Carmen Comparada, filla do finado Andrés. O seu pai estivo no Comparada o resto da súa vida, até os 93 anos. Carmen Comparada logo tomou as rendas do negocio. Ela xa non o mantiña como salón de baile, senón que o famoso do bar Comparada na época é o mesmo que o dá a coñecer hoxe en día: a súa comida. Cocidos, tortillas, orella, fabada ou empanada, entre outras cousas, atraen a veciños e xente doutros lugares con ganas de probar a boa comida de Carmen e do seu fillo, que é agora quen rexenta o bar. Juan José Castaño é herdeiro da tradición de traballo e da boa fama que a súa nai, Carmen Comparada, e o seu avó Andrés Comparada, lle deron ao bar. Agora máis ampliado e restaurado, chama tamén a atención pola historia que ten tras del. Durante os primeiros anos do franquismo, xunto con outros locais da zona, Carmen encargábase de repartir os alimentos que o Goberno mantiña na carta de racionamento. Aceite, azucre ou arroz eran algúns deses paquetes que as familias viñan a buscar a bares como o Comparada. Ademais de para o racionamento, naquel momento era tamén unha taberna e un ultramarinos. Disto xa non se acorda Juan José, que manexa agora o bar Comparada, no que as súas anécdotas son ben diferentes. «Do que me lembro é de que, aqueles aos que eu lles vendía gusanitos cando eran pequenos, agora pídenme cubatas», confesa. Dende que el tomou as rendas do Comparada, no ano 2000, a historia cambiou moito, pero non a tradición familiar, que segue dominando á perfección a arte da tortilla de patacas e outras comidas, que seguen sendo un reclamo para os que coñecen o Comparada. Cando se lles pregunta a Carmen e a Juan José polo segredo da súa boa fama, Juan adiántase afirmando que «aquí temos as tres b, bueno, bonito y barato». Isto, acompañado dun trato que non distingue entre persoas fan que haxa días nos que o Comparada complete o seu aforo de 100 persoas. O Comparada pasou de ser salón de baile, a dispensador da carta de racionamento ao mesmo tempo que ultramarinos e taberna, e hoxe, convértese ademais no punto de encontro da zona. No Comparada reúnense representantes de distintas xeracións da mesma familia, pois, os que antes eran novos, agora son adultos, e traen aos fillos, e os que antes eran adultos agora son vellos. «É a roda da vida», di Juan José. De momento, tres foron as xeracións que pasaron polo Comparada, e pasará outra máis, que, aínda que non leve o apelido Comparada, éo tanto coma os demais. Helena Castaño, con tan só dous anos, é unha firme candidata a prolongar a historia desta familia e deste negocio, a súa nai, Susana Ordóñez, que bota unha man no bar de cando en vez, así o ve. LA VOZ DE GALICIA, 19/09/10

CHARLA: DEPORTE E LECER

-O xoves, 16 de setembro de 16:30  a 18:30 no Auditorio

CURSO DE MEMORIA

-Inicio o  venres, 17 de setembro de 17:30 a 19:30 no Auditorio

CURSO DE TAICHI

-Inicio o luns, 20 de setembro de 17:30 a 19:00 no Auditorio

CURSO DE LABORES

-Inicio o xoves, 7 de outubro de 16:00 a 18:00 na Casa de Cultura de Campaña

CURSO DE PINTURA

-Aberto o prazo de inscrición.

SAÍDA A SOUTOMAIOR

-O mércores 22 de setembro ás 16:00 horas.

-Asistencia ao acto de clausura de cursos do programa PENSA EN TI, en colaboración coa Deputación de Pontevedra.

VISITA Á ESCOLA GALEGA DE CONSUMO E Á CIDADE DA CULTURA

-O xoves, 23 de setembro. Saída ás 9:00 horas

PROGRAMA PEREGRINA DA SECRETARÍA XERAL DE IGUALDADE.

CAMIÑATA DENDE O MONTE DO GOZO ATA A CATEDRAL.

-O martes, 5 de outubro.

Igualdade estuda colaborar coa XVI Vilagarcía Basket Cup para sensibilizar sobre a violencia de xénero

A secretaria xeral da Igualdade, Marta González, reuniuse  hoxe co director da Fundación Vilagarcía Basket Cup, Alberto Blanco Villa, que lle presentou o proxecto do Vilagarcía Basket Camp para o ano 2011, que ten como obxectivo, ademais de promover o deporte, sensibilizar as nenas e nenos sobre a importancia da saúde e da convivencia en igualdade, así como promocionar a cultura, o turismo e a economía.

A organización espera que na próxima edición participen uns 2.500 nenos e nenas de entre 8 e 17 anos, e unhas 7.000 nais e pais, que durante unha semana convivirán e tendo o baloncesto como elemento integrador tamén se  realizan actividades paralelas que permiten combinar accións educativas con sociais e lúdicas.

Marta González manifestou o interese da secretaria xeral da Igualdade en participar neste evento mediante actividades de sensibilización contra a violencia de xénero e a educación en igualdade, xa que “a educación dos nosos menores é unha forma de lograr un futuro sen violencia contra as mulleres e en igualdade de condicións”.

De feito, co obxectivo de sensibilizar a poboación máis nova e aos seus pais e nais, o próximo 2 de outubro, nas instalacións de INEF Galicia, preto da praia de Bastiagueiro (Oleiros-A Coruña), a secretaría xeral da Igualdade organiza as 11ª Xornada de Pais e Nais Educando en Igualdade “Coeduca no Deporte”, que ten coma obxectivo transmitirlles ás nais e pais o importante labor que poden intentar realizar co fin de apoiar a libre elección e participación das súas fillas e fillos na práctica deportiva, evitando estereotipos de xénero que mediaticen a dita práctica.

A responsable da área de Igualdade convidou a asistir a este evento a responsables da Fundación Vilagarcía Basket Cup, para que poidan coñecer de cerca a forma de traballo e poder axustar así unha posible colaboración para o evento que se realizará en Semana Santa na capital de Arousa.