Boletín Semanal Cimoempleo_24_Febrero_2011

Este venres, 25 de febreiro ás 17:00 horas no Auditorio Municipal terá lugar unha charla sobre a importancia da saúde bucodental, os problemas que ocasiona un mal coidado da boca, como conservar en bo estado os dentes e cales son os hábitos máis axeitados para unha boa hixiene bucal.

Convidamos a tódalas persoas interesadas a asistir e a formular as súas dúbidas á odontóloga María Berdullas Barreiro.

http://xuventude.xunta.es/201102222356/informe-semanal-do-21-de-febreiro-de-2011.html

FESTIVAL I.E.S. VALGA

AXENDA 21

No Auditorio de Valga  viuse onte moito teatro e escoitouse moita música. O Instituto de Valga celebrou o seu Festival Axenda 21, no que os alumnos e alumnas abogaron pola defensa do medio ambiente a través das súas actuacións. “Voa con nós” foi o lema, reflexando o desexo de manter o noso aire libre de polución.

Os flamantes presentadores foron Sara Seco e Pedro Calvo, que deleitaron ó público coa súa simpatía e enxeño. No fondo do escenario houbo un decorado espectacular feito polos propios alumnos, e un grupo de seis deles foron cambiándoo ó longo do festival para amosar cómo unha cidade sucia e contaminada pode convertirse nunha cidade limpa e chea de cor.

Os membros da Banda Municipal de Banda fixeron arrancar o festival co seu habitual brillo. O último número foi unha canción conxunta de alumnos e profesores: practicamente a metade do público animouse a subir para cantar e bailar o tema italiano Volare.

E entre esta primeira actuación e a última, un vendaval de talento, que durou case tres horas. En total, participaron 80 alumnos e alumnas. Zoe Santos fixo unha preciosa coreografía de ximnasia rítmica; Brais Villar interpretou maxistralmente un preludio de Chopin ó piano; Alex Barreiro amosou grande talento humorístico ó recitar un monólogo de Benedetti; e Adrián Castiñeiras fixo rir a todos imitando a Nadal e Mouriño ante as preguntas do “xornalista” Yago Brea.

Houbo varios solistas vocais, de gran calidade todos eles. Maite Rodríguez encantou ó público coa súa voz doce e sempre afinada (cunha composición propia, ademais, titulada Voa con nós); María Rodríguez e Javier Carballo interpretaron unha canción a dúo de xeito moi profesional; Lara Alvarez e Verónica Fernández entoaron o Libre de Nino Bravo con gran sentimento; e a interpretación do clásico dos Scorpions, Wind of Change, por Belén Barral e Jonathan Losas logrou grandes aplausos.

Non faltou o rap: Jonatan Blanco e José Castiñeiras compuxeron o seu propio, sen deixar de mencionar con humor a algún dos seus profesores, e o longo recitado de Marcos Lorenzo e Borja Lorenzo houbera conseguido un sobresaínte en calquera exame!

Actores amenos e divertidos foron Raquel Bustelo, Jéssica Freire, Fátima Mato, Luz Iglesias, Ismael Suárez,  Sergio Piñeiro, Maite Rodríguez, María Arufe, Elvis García, Samuel García, Fran Bragado, María Arufe e Lucía Franqueira. Uxío Lorenzo e Paula Vázquez, entre outros, leron poesías de autores galegos sobre o tema do aire.

Ana Blanco, Adrián Arufe, Fernando Gómez, Iria Varela, Natalia Castiñeiras, Ismael Azidane, Xurxo Eitor e Sergio González foron algúns dos músicos que deleitaron con pezas como o Son do Ar de Luar na Lubre ou coa música da película “Piratas do Caribe”. O baile correu a cargo das moi xóvenes Alba García, Julia Viqueira, Carolina Casal, Nerea Guimarey, Ana Otero, María Sanmarco, Vanesa Sánchez, e Fátima Piedras.

http://xuventude.xunta.es/201102152264/informe-semanal-do-14022011.html